เนื้อเพลง เมาเดินสาย - ศิริพร อำไพพงษ์

Written by : เฉลิมพล มาลาคำ

โอ่ยน้อ... บ่ได้ถอนมันเมาค้าง เป็นทรงสิบ่สร่าง
เห็นฟ้าแจ้งจ่างป่าง กรึ๊บแล้วออกฮ้อนท้องมองโลกสว่างตา
ฤทธิ์ดีกรีพาซู่ซ่า โอ๊ยซู่ซ่า ตั้งท่าหาแนวไป
เมาแล้วใจพาเพลิน เสิ่นหาเลาะนำบ้าน
เสิ่นหา... เลาะนำบ้าน...

เช้ากะเมา แลงกะเมา
เป๊กอยู่บ่เซา เมาแล้วกะถอน
ฉายาเสือแม่ลูกอ่อน ฉายาเสือแม่ลูกอ่อน
บ่เคยออนซอนนำคนสิว่า

เมาแบบบ่ลงทุน มีบุญบ้านได๋พ้อหน้า
งานเลี้ยงกฐินผ้าป่า ฟ้อนออกลีลาอยู่หน้าฮ้านหมอลำ

เมาแต่เช้าฮอดค่ำ ผัวบ่เคยนำเขาตัดหางปล่อย
ไปมะแล็ดแถดแถ เห็นเหล้าต้องแวะขอกินจักหน่อย
นิสัยมะลำมะลอย จั่งแม่นข้อยมักเมามักม่วน
โอ๊ยจั่งแม่นข้อยมักเมามักม่วน

กวนไปหน้ายามเมายามหวิ่ง กวนไปหน้ายามเมายามหวิ่ง
น้ำใสติ่งหลิ่ง หรือน้ำแข่นเอ้เล้กะเซได้ดั่งกัน
แต่ปานนั้นยังกินต่อซำบาย เอิ้นว่าเมาเดินสายเลาะกินนำบ้าน
เหมิดงานนี้หนีไปงานใหม่ เหมิดงานนี้หนีไปงานใหม่
บ่ต้องไล่ คันบุญบ่แล้วสิวนเจ้าบ่เซา

ข้อยมักเมามักม่วน กินแล้วบ่กวนหาเรื่องผู้ได๋
ลูกผัวยังไม่กล้าด่า ถามได้เลยหนาว่าในเฮือนไผใหญ่
ทุกคนรู้ดีนิสัย เขาบ่สนใจจะเก็บไปหัวซา

คนอื่นอย่ามาอนอัว เมารู้ดีชั่วไม่ได้มั่วกามา
สิอ่านกินเจ้าอย่า เจ้าอย่า เห็นเมาสุราอย่าคิดว่าสิง่าย

ถึงเมามาย อย่าหมายคิดว่าฉันชั่ว
ดื่มเพื่อความสนุก ใจจริงก็รักลูกรักผัว
แต่นิสัยส่วนตัว บ่เคยคิดกลัวเรื่องกินเรื่องเมา

เสียงคนเว้านินทาตามส่าง เสียงคนเว้านินทาตามส่าง
ข้อยนี่หนาพอหย่างเข้าบ้านละเห็นหน้าแม่นเมา
พวกขี้เหล้าฮู้ชื่อฉันหลาย ฉายาเมาเดินสายผู้เดียวในบ้าน
มีผู้เดียวอยู่ในบ้าน อยู่ในบ้าน...